اسلام آباد۔ 20مئی (اے پی پی) وزارت اطلاعات و نشریات نا کنڈآن قومی اسمبلی ئِ پاننگانے کہ پی ٹی وی دوقومی نظریہ نا مون آ دننگ و پاکستان نا مذہبی و راجی اقدار نا رداٹ پروگرام نشر کننگ ئِ۔ پاکستان نا مذہبی و راجی اقدار نا برعکس پروگرام اس چلیفنگ آ نجی ٹی وی چینلز نا برخلاف پیمرا نا کونسل آف کمپلینٹس نا کمک اٹ شوکاز نوٹس جاری کننگک و کارروائی عمل اٹی اتنگک۔ جمعہ آ قومی اسمبلی ٹی وقفہ سوج آتا وخت عائشہ سید نا سوج انا ورندی ٹی پارلیمانی سیکرٹری محسن شاہنواز رانجھا پارے کہ پیمرا نا مانیٹرنگ وزارت اطلاعات ونشریات نا زمہ واری اف، نن صرف سیکشن پنچ انا رداٹ پالیسی ایتنہ اوپارے کہ ٹی وی چینلز آتے مذہبی و راجی اقدار نا برعکس ہچ ئُ پروگرام اس چلیفوئی مف۔
