بیجنگ۔ 13 مئی (اے پی پی) چین نا نیامی صوبہ ہینان آن درملکی واپار اٹی 2022 نا بنائی 4 تُو اٹی تدوک آ سال انا مقابلہ ٹی 5 درسد ودکی مس ہراکہ 267.74ارب یوآن (کم و ود 39 ارب 80 کروڑ امریکی ڈالر) اسکان سرمسنے۔ چینی خبررساں ادارہ نا رداٹ کسٹم کمامدار آک پاریر کہ صوبہ نا جم وڑاٹ برآمد 3.2 درسد ودکی آن کم و ود 164.6 ارب یوآن وخت اس کہ درآمد 8 درسد ودکی آن کم وو د103.2 ارب یوآن اسکان سرمسنے۔ اوپارے کہ دا وخت اٹی ہینان نا پروسیسنگ ٹریڈ اونا درملکی واپار نا 60 درسد آن زیات ئسک، وخت اس کہ برآمدی کچ انا کم و ود 52.3 درسد موبائل فون تیا تالان ئسک۔ ہندی کسٹم کمامدارآتا پاننگ ءِ کہ صوبہ ٹی درملکی زرکاری آن چلینگوک آ کاروبار نا واپاری کچ اٹی نسبتاََ بشخ زیات ئس۔ یات سلے کہ صوبہ نا جنوری آن اپریل اٹی بیلٹ اینڈ روڈ ملک آتون درملکی وعاپار 22.7 درسد ودسا کم و ود 71 ارب یوآن مسنے۔
