گلگت۔ 19مئی ( اے پی پی) مزن وزیر محمد نواز شریف ئَ گشتگ انت کہ حکومت گلگت بلتستان ئِ دیمروی ئُُ وشحالی ئِ ھاتر ئَ پر ازم انت ئُُ ایشی ئَ ملک ئِ دیمروی کنوک دمگ ئِ بروبر آرگ ئِ ھاتر ئَ درستیں وسیلگ دئیگ بیت۔ چین پاکستان اقتصادی راہداری منصوبہ گیم چینجر ئِ جہت داریت ایشی ئَ پورا خطہ ئَ آشوب کیت۔ پاکستان وشحالی ئِ نیمگ ئَ روان انت دیمروی ئِ کار بندات بوتگ انت آئی ئِ سرجَ سر بوھگ بیت۔ آ پنچ شمبے ئَ گلگت بلتستان کونسل ئِ نوک گچین باسک ئِ دیوان سوگند زورگ ئِ دیوان کنگ ئَ ات اے موہ ئَ گورنر گلگت بلتستان میر غضنفر علی خان، سر وزیر حافظ حفیظ الرحمن، بنجاہی وزیر برائے امور کشمیر ئُُ گلگت بلتستان چوہدری برجیس طاہر، وزیر ملکت برائے انفارمیشن ٹیکنالوجی انوشہ رحمان، باسک کابینہ ، باسک گلگت بلتستان قانود ساز اسمبلی ئُُ مسلم لیگ (ن) ئِ عہدیدار ہم ھوار ات انت۔ مزن وزیر ئَ گشتگ کہ آھاں یک بار پدا گلگت بلتستان آھگ ئِ سرا باوشی بوھگ ئَ انت اے دمگ ئُُ ادے مہلوک ئِ گوں آئی ھاسیں مہر است انت کہ یک نا یک بہانہ ئَ آئی ئَ چکیت، آئی ئَ نو ک گچین باسک آں مبارکباتی دئیگ ئَ گشتگ کہ آئی ئِ واشت انت کہ گلگت بلتستان تیزی ئِ گوں دیمروی بہ کنت۔ گوست ئَ ادا دیمروی منصوبہ ئِ ھاتر ئَ باز کم فنڈ ایر کنگ ئَ ات انت ماں لوٹاں کہ گوست ئِ درستیں کمی پورا بہ کن انت تنکہ ادے مسئلہ ھل بہ بئینت ئُُ مہلوک ئِ ضلورت پورا بہ بیت ۔ مزن وزیر ئَ گشتگ کہ چین پاکستان اقتصادی راہداری ئِ منصوبہ پورا خطہ ئِ وشحالی ئِ منصوبہ انت، ایشی ئِ ذاتی دلچسپی گرگ ئَ اوں تنکہ اے یک وھد ئَ سر جم بہ بیت ئُُ ایشی ئِ پائدگ مہلوک ئَ سر بہ بیت۔ آئی ئَ گشتگ کہ سڑک جوڑ کنگ ئِ مخالفت کنگ ئَ درستیں آں بہ گشاں کہ آپتیکل فائبر منصوبہ ہم بندات بوتگ انت۔ سڑک جوڑ کنگ ھچ جرم نہ انت۔ سڑک دیمروی ئُُ وشحالی ئِ ذریعہ جوڑ بیت آئی ئَ مہلوک ئِ آسراتی آسان بیت۔ مزن وزیر ئَ گشتگ کہ باز انچیں ذہن انت کہ سرک جوڑ کنگ ئِ ہم ھلاپ انت، موٹر وے ئِ مخالفت کنوک مرچی ایشی سرا سفر کنگ ئَ انت آئی ئَ گشتگ کہ توان ئِ جاورال شر جوڑ کنگ ئِ ھاتر ئَ لہتیں منصوبہ ئِ سرا کار بوھگ ئَ انت۔ داسو ڈیم ئِ سرا کار بندات بوھگ ئَ انت چوشکہ دیا مر بھا شا ڈیم ئِ ھاتر ئَ اول ئَ چہ 70ارب کلدار ایر کرتگ انت۔ اائی ئَ گشتگ کہ منصوبہ ساپ ئُُ پلگار ایشی ئِ لاگت ئَ کساس 12ارب کلدار ئِ بچت کنگ ئِ سرا سر وزیر گلگت بلتستان ئُُ ھندی انتظامیہ ئِ ستا کرتگ ئُُ آھاں شاباش پیش کرتگ آئی ئَ گشتگ کہ 2018ئَ توان ئِ لوڈ شیڈنگ ھلاس بیت آئی ئَ ملک ئَ دیمروی ئِ وھد بندات بیت۔ آئی ئَ گشتگ کہ دیمروی ئِ کار ئِ بندات کرتگ انت ئُُ نوں ایشی ئَ تاں سرجمی ئَ سر بہ کناں۔
