اسلام آباد۔ 19مئی ( اے پی پی) بنجاہی وزیر داخلہ چوہدری نثار علی خان ئَ پاکستان ئَ ایف 16ئِ فنڈنگ دارگ ئِ امریکی پالیسی ئِ سرا تحفظات ئِ درشانی کنگ ئَ گشتگ انت کہ اےشی ئَ ابید لوٹ انت کہ پاکستان ئُُ امریکہ ئِ نیام ئَ درستیں معاملہ گپ ئُُ ترانئِ ذریعہ ئَ طے بہ کن ات۔ وزارت داخلہ ئِ نیمگ ئَ پنچ شمبے ئَ ادا برجاہ بیان ئِ ردا اے گپ آئی ئَ امریکہ ئِ ھاسیں مندوب برائے اوگانستان ئُُ پاکستان رچرڈ اولسن ئُُ امریکی سفیر ڈیووڈہیل ئِ گوں گند ئُُ نند ئِ وھد ئَ کرتگ۔ گند ئُُ نند ئَ پاک امریکہ سیادی دو نیمگی کمک، خطہ ئِ سرجمیں ھاس کن اوگانستان ئِ اجورال ئِ سرا ھیال ئُُ لیکھہ کرت انت۔ وزیر داخلہ ئَ گشتگ کہ محکم ئُُ پر امن اوگانستان نہ الما پاکستان بلکں پورا خطہ ئِ مفاد ئَ انت آئی ئَ گشتگ کہ اوگان مسئلہ ئِ یکیں ھل ڈائیلاگ انت امریکی مندوب رچرڈ اولسن ئَ گشتگ کہ امریکہ اوگانستان ئَ دیریں امن اڈ دئیگ ئِ ھاتر ئَ پاکستان ئِ کرد ئُُ کوشست ئِ قدر کنت۔ بیان ئِ ردا دوئیں راھشون آں امن ئِ خاطر مفاہمتی کار ئَ دیما برگ ئِ سرا تپاک کرت انت۔
