یورپی یونین کن پاکستان نا سفیر ظہیر اسلم جنجوعہ نا چنکا عئید انا وخت آ پاکستانی برادری  ءِ مبارکباد

اسلام آباد۔ 02 مئی (اے پی پی) بیلجیئم ، لکسمبرگ، و یورپی یونین کن پاکستان نا سفیر ظہیر اسلم جنجوعہ چنکا عئید انا وخت آ بیلجیئم و لکسمبرگ اٹی رہینگوک آ پاکستانی برادری نا غٹ بندغ آتے چنکا عئید انا مبارکبادی پیش کرینے۔ عئید انا وخت آ پاکستانی کمیونٹی نا پن کلہو اٹی او پارے کہ چنکا عئید انا تہوار اسلامی تہذیب، دودوربیدگ و ملی روایت آتا نشانی ءِ، دادے ایثار، ہمدردی، تقویٰ و شرف انسانیت نا کلہو ایتک۔ اوپارے کہ عئید انا داپرمسرت وخت آ دا قول ءِ پوسکن کین کہ نن تین پہ تینی ہمدردی و رواداری نا جوزہ ءِ پدپشت تخپنہ۔ پاکستانی سفیر پارے کہ داخوشی نا وخت آ ضرورت مندآتے تینا خوشی تیٹی شریک کرسا عئید ءِ سادہ و پروقار وڑاٹ کینہ۔ اودعاکرے کہ اللہ تعالیٰ عئید انا بابرکت وخت آ خوشی، امن و مسرت عطاکے و وطن عزیز ءِ امن وسلامتی نا وت اس جوڑ کے۔