صدر مملکت ڈاکٹر عارف علوی نا مچ آ قوم ءِ چنکاعئید انا مبارکباد

اسلام آباد۔ 02 مئی (اے پی پی) صدر مملکت ڈاکٹر عارف علوی مچ آ قوم ءِ چنکا عئید انا مبارکبادی ترسا پارینے کہ دادے خوشی تے بشخنگ و تینا راج انامحروم تپہ غاتیکن ایثار و قربانی نادے ءِ۔ دادے انا خواست ءِ کہ نن ضرورت مند ، نادار، غریب و محتاج تا پبی کمک ءِ کرسا اوفتے ہم عئید انا خوشی تیٹی اوارمننگ نا موقع اس ایتن۔ داخیال آتا درشانی ءِ او چنکاعئید انا وخت آ قوم انا پن تینا کلہو اٹی کرے۔ اوپارے کہ  ای چنکا عئید انا خوشی نا وخت آ مچ آ قوم ءِ مبارکباد پیش کیوہ و اللہ تعالیٰ آن دعا کیوہ کہ او دا مبارک دے ءِ غٹ پاکستانی و عالم اسلام کن خوشی و آسانی تا سوب کے۔ آمین۔ اوپارے کہ اللہ تعالیٰ نا بے پناہ کرم ءِ کہ او ننے پبی وڑاٹ روچہ مبارک اٹی اجتماعی عبادت کننگ نا موقع و توفیق تس و اینو چنکا عئید انا خوشی نا وخت آتیٹی نن دا توفیق آ اللہ تعالیٰ نا شکر ءِ ادا کننگ اُن و خوشی  نا درشانی ءِ کننگ اُن۔ صدر مملکت پارے کہ روچہ مبارک نا تو مسلمان تا روحانی و اخلاقی تربیت نا تُو ءِ۔