شاہ سلمان بن عبدالعزیز تون کویتی پارلیمنٹ نا اسپیکر نا اوڑدہی

مکہ مکرمہ۔ 02 مئی (اے پی پی) خادم حرمین الشریفین شاہ سلمان بن عبدالعزیز تون کویت نا قومی اسمبلی نا اسپیکر مرزوق بن علی الغانم اوڑدہی کرینے۔ سعودی خبررساں ادارہ نا رداٹ مکہ مکرمہ نا قصر مکہ مکرمہ نا قصر الصفاپیلس اٹی خادم حرمین الشریفین تون کویتی قومی اسمبلی نا اسپیکر نا اوڑدہی ٹی ہڑتوم آ ملک آتا ہڑتوم آ کنڈآتا تین پہ تینی تعلقداری تون اوار جہانی امور آ گپ وتران کننگا۔ الصفا پیلس اٹی بروک آ مہمان تے بخیر شہزادہ فیصل بن ترکی بن عبداللہ، خادم حرمین شریفین نا سلاہکار و گورنر مکہ مکرمہ شہزادہ خالد الفیصل و شاہی خاہوت نا ایلو بندغ آک کریر۔ داوخت آ علماکمیٹی نا باسک و ایوان شاہی نا سلاہکار مسجد الحرام نا امام و خطیب ڈاکٹر شیخ صالح بن عبداللہ بن حمید، ادارہ امور حرمین نا سروک شیخ ڈاکٹر عبدالرحمان بن عبدالعزیز السدیس و ایوان شاہی نا سلاہکار و علماکمیٹی نا باسک ودرالافتا شیخ ڈاکٹر سعد بن ناصر الشتری و مسجد الحرام نا ایلو آئمہ کرام آک ہم خادم حرمین شریفین تون اوڑدہی کریر۔