اسلام آباد۔ 01 مئی (اے پی پی) وزیراعظم شہباز شریف پارینے کہ خواری کش ہر راج انا شونداری ٹی اہم ءُ کڑد اس ادا کیک، نن اسلام، آئین پاکستان و جہانی آب آتا رداٹ مزور آتا کاریم نا حالیت آتے گچین کینہ، نن خواری کش و اوفتا ویل آتے ہر کہول آ ایسر کننگ کن سنبرینگوک اُن۔ یک شنبے نادے آ خواری کش آتا جہانی دے آ تینا کلہو اٹی …
خواری کش ہر راج انا شونداری ٹی اہم ءُ کڑد اس ادا کیک، وزیراعظم شہبازشریف
گیشتریں ھال
اسلام آباد۔ 01 مئی (اے پی پی) وزیراعظم شہباز شریف پارینے کہ خواری کش ہر راج انا شونداری ٹی اہم ءُ کڑد اس ادا کیک، نن اسلام، آئین پاکستان و جہانی آب آتا رداٹ مزور آتا کاریم نا حالیت آتے گچین کینہ، نن خواری کش و اوفتا ویل آتے ہر کہول آ ایسر کننگ کن سنبرینگوک اُن۔ یک شنبے نادے آ خواری کش آتا جہانی دے آ تینا کلہو اٹی اوپارے کہ ای مزور آتا دا جہانی دے آ پاکستان و مچ آ دنیا نا خواری کش آتے مبارکبادی پیش کیوہ۔ خواری کش آتا شونداری آن بیدس دنیا نا حقی شونداری اف انا بریبر ءِ۔ دادے آ شکاگو نا ہمو مزور آتے یات کننگ خواوہ ہرافتا قربانیک مزور آتا حق اکن اسہ جہانی تحریک اس جوڑ مسنے۔ اوپارے کہ دنیا نا شونداری خواری کش آتا خواری نا بھرم ءِ۔ مزور آتا جان جوڑی و رکھ اکن انٹرنیشنل لیبرآرگنائزیشن (آئی ایل او) نا کوشست ستاکڑزک۔ اوپارے کہ مزور و خواری کش ہرافتے ٹی خوانوک، ناخوانندہ، کسبکار و غیر ہنرمند اوار ءُ ہرملک و راج انا شونداری ٹی اہم ءُ کڑد اس ادا کیرہ۔ اللہ تعالیٰ مزور ءِ تینا دوست گوندانے و پرمان کرینے کہ مزور آتا خید انا بارِنگ آن مست اوفتا مزوری ءِ تننگے۔ دا اسلام اٹی مزور آتا حیثیت و اوفتا زرگزرانی حق انا پیدوار سفت ءِ۔ ہندن ای چارج ءِ سنبھالاٹ ، نن کم آن کم اجرت ءِ ودفسا 25000 روپئی کرین۔ نن اسلام ، آئین پاکستان و جہانی آب آتا رداٹ مزور آتا کاریم نا حالیت آتے گچین کینہ۔ نن مزور و مزور آتا ویل آتے ہر کہول آ ایسر کننگ کن سنبرینگوک اُن۔ ای باور کرفیوہ کہ نن غٹ جماعت آتون اواری اٹ مزور و مزور آتا حق انا رکھ کن عملی گام گیج کینہ۔
