مزور دے پاکستانی افرادی قوت نا واک، کرڈ، لائخی و تینا ملک ءِ دنیا ٹی اسہ شونہال و شون پسند قوم اس جوڑ کننگ کن خواری نا نشانی ءِ، صدر مملکت ڈاکٹر عارف علوی

اسلام آباد۔ 01 مئی (اے پی پی) صدر مملکت ڈاکٹر عارف علوی پارینے کہ یوم مزور پاکستانی افرادی قوت نا واک، کڑد، لائخی و تینا ملک ءِ دنیا ٹی اسہ شونہال و شون پسند قوم اس جوڑ کننگ کن خواری نا نشانی ءِ۔ قوم ہمو غٹ خواری کش آتا منت وار ءِ  ہرافک پاکستان نا شونداری نا عمل اٹ تینا خید و دترتسر۔ مزور آک ملک ءِ راجی و اقتصادی شونداری نا کنڈآ دننگ اٹ کمک کریر۔ یک شنبے نادے آ صدر مملکت یکم مئی یوم مزور ا تینا خصوصی کلہو اٹی پارے کہ مچ آ پاکستان نا خواری کش آتے سلام پیش کیوہ، اوفتا خیرخواہی و شونہالی کن دعا کیوہ، قوم انا کنڈآن ہمو خواری کش نرینہ و نیاڑی تے خراج تحسین پیش کیوہ ہرافک پاکستان ناراجی و اقتصادی شونداری کن قربانی و خذمت سرتسر ، مزور دے پاکستانی افرادی قوت نا واک، کڑد، لائخی و تینا ملک ءِ دنیا ٹی اسہ شونہال و شون پسند قوم اس جوڑ کننگ کن خواری نا نشانی ءِ ۔ صدر مملکت پارے کہ قوم ہمو غٹ خواری کش آتا منت واری ءِ ہرفک ہرافک پاکستان نا شونداری نا عمل اٹ تینا خید و دتر تسر، مزور آک ملک ءِ راجی و اقتصادی شونداری نا کنڈآ دننگ اٹ کمک کریر، اینو نن غٹ خواری کش و اوفتا خاہوت آتیکن اسہ سازگار چاگڑد و بڑزکو آب انا زند اس فراوان کننگ کن تینا عزم انا درشانی ءِ کینہ۔ صدر مملکت پارے کہ ننے تینا مزور تیکن داسکان پین بھاز گڑا کننگ نا گرج ءِ، غٹ خواری کش آتا جوان حق فراوان کننگ کن پدریسہ جہد و چکار نا گرج ءِ۔