اسپیکر قومی اسمبلی نا چینی سفارت خانہ نا دورہ

اسلام آباد۔ 01 مئی (اے پی پی) اسپیکر قومی اسمبلی یک شنبے نادے آ کراچی یونیورسٹی ٹی دہشت گردی نا ساڑی آ است ہسون واقعہ ٹی مروک آ جانی نسخان آ ہڑزخواہی کن اسلام آباد اٹی جوڑ چین نا سفارت خانہ نا دورہ ءِ کرے۔ میڈیا ڈائریکٹوریٹ نا کنڈآن جاری پریس ریلیز نا رداٹ اسپیکر قومی اسمبلی کراچی یونیورسٹی ٹی ساڑی آ خودکش بمب دھماکہ ٹی زوال کروک آ چینی چاہندار تعلیم نا نہادی جان تا نسخان آ است ہسونی نا درشانی ءِ کرے ، اودالغوری و گندہ انگا دہشت گرد جلہو نا ترند انگا لوز آتیٹی مذمت ءِ کرسا پارے کہ داوڑنا واقعہ پاکستان و چین نا اسیجائی دشمنک کریر انتئے کہ او ہڑتوم آ ملک آتا نیام اٹ ودوک آ زرگزرانی و اقتصادی تعلقداری و شونہالی آن خوفزدہ ءُ۔ اسپیکر تینا دوست آتے گوہوک آ چینی شاری و زہمی تا خاہوت آتون تینا ہمدردی نا درشانی ءِ کرے۔ ہڑتوم آ کنڈآتیان دا عزم انا درشانی ءِ کننگاکہ دشمن تے ہڑتوم آ سنگت ملک آتا نیام اٹ خوشگوار تعلقداری تے خراب کننگ نا موکل تفننگک۔