مزور آک ملک انا شونداری و شونہالی ٹی اہم ءُ کڑد اس ادا کرینو، وزیراعلیٰ سندھ انا مزور دے انا وخت آ کلہو

کراچی۔ 01 مئی (اے پی پی) وزیراعلیٰ سندھ سید مراد علی شاہ پارینے کہ ننا مزور آک دا ملک انا شونداری و شونہالی ٹی اہم ءُ کڑد اس ادا کرینو ۔ مزور دے انا وخت آ جاری بیان کلہو اٹی اوپارے کہ حکومت سندھ مزور آتا حق اکن عملی گام گیج کرینے، سندھ حکومت کم از کم اجرت ءِ 25 ہزار روپئی کرسا مزور آتا چولہا ءِ لگفے۔ سید مراد علی شاہ پارے کہ سندھ حکومت کشاری خواری کش آتے ہم است آن دتو، ہاری، بزغرآتیکن ہم کانود جوڑ کرے۔ وزیراعلیٰ سندھ سید مراد علی شاہ پارے کہ حکومت سندھ جبری مشقت نا چٹفنگ نا کانود 2015 اٹی ایس۔ اوپارے کہ سندھ حکومت لیبر پالیسی نا رداٹ چائلڈ لیبر نا برخلاف گام گیج کرے ، مزور آتا زند  ءِ بدل کننگ کن پیپلزپارٹی شہید ذوالفقار علی بھٹو آن ہلیس داتم اسکان جہد کننگ ءِ۔