مچ آ ملک اٹی 24 گھنٹہ ٹی 19 ہزار478 کورونا ٹیسٹ کننگا، 66 ٹیسٹ مثبت بسر، این آئی ایچ

اسلام آباد۔ 01 مئی (اے پی پی) 24 گھنٹہ ٹی مچ آ ملک اٹی 19 ہزار 478 کورونا ٹیسٹ کننگانے۔ یک شنبے نادے آ این آئی ایچ نا کنڈآن جاری ٹویٹ اٹی شیئر کروک آ حساب وکتاب نا رداٹ تدوک آ 24 گھنٹہ ٹی 19 ہزار 478 کورونا ٹیسٹ کننگانے ہرافتیان 66 بندغ نا کورونا ٹیسٹ مثبت بسنے۔ ہندا وڑ تدوک آ 24 گھنٹہ ٹی کروک آ مثبت کورونا ٹیسٹ انا کچ 0.34 درسد ئسک۔ داکان بیدس داوخت آ کورونا دین آن اسہ ناجوڑ اس ہم زوا ل کتنے وخت اس کہ 119 ناجوڑ آتا حالیت نازرک ءِ۔