اسپیکر قومی اسمبلی راجہ پرویز اشرف نا چینی سفارت خانہ نا دورہ، جامعہ کراچی دھماکہ ٹی چینی باتی تا جانی نسخان آ است ہسونی نا درشان

اسلام آباد۔ 01 مئی (اے پی پی) اسپیکر قومی اسمبلی راجہ پرویز اشرف چینی سفارت خانہ نا دورہ ءِ کرے و جامعہ کراچی دھماکہ ٹی چینی باتی تا جانی نسخان آ است ہسونی نا درشانی ءِ کرے ، مچ آ پاکستان تینا چینی ایلم تتون پبی یکجہتی نا درشانی ءِ کیک۔ راجہ پرویز اشرف پارے کہ پاک چین سنگتی آ جلہو مسنے، پاکستان دشمن   نا تعاقب ءِ کیک، دہشت گرد آک تینا ناپاک مسخت آتا کمک اٹ پاک۔ چین اقتصادی راہداری ڈٹ ءِ لتاڑنگ اٹ لگوک ءُ  ، پاکستان عظیم سنگت چین اتون تینا سدابہار بے مٹ سنگتی آ پٹ اس ہم روادار اف۔ اسپیکر قومی اسمبلی پارے کہ چینی باتی تا سیکورٹی کن ہرممکن وسیلہ غاتے کاریم اٹ اتنگک، پاکستانی الس چینی باتی تا زوال  آ غم زدہ  ءُ۔ اسپیکر قومی اسمبلی راجہ پرویز اشرف چینی سفارت خانہ ٹی مہمان تیکن تخوک آ کتاب اٹی چینی باتی تا جانی نسخان آ چین نا حکومت و الس تون ہمدردی نا درشانی ءِ کرسا تینا ہڑزخواہی تاثرآتے نوشتہ کرے۔