اسلام آباد۔ 01مئی (اے پی پی) بنجائی وزیر آبی وسیلہ سید خورشید احمد شاہ پارینے کہ پاکستان پیپلزپارٹی خواری کش آتا پارٹی ءِ و پیپلز پارٹی مدام مزور، بزغر و خواری کش آتا حق اکن توار بڑز کرینے، یوم مئی نا بابت اسہ بیان اسے ٹی اوپارے کہ مستین نا حکومت کشت وکشار نا بشخ ءِ دانستہ بھس کرے وخت اس کہ دا بشخ ننا زرگزران نا شونداری ٹی تمبہ نا حیثیت تخک۔ اوپارے کہ پاکستان پیپلزپارٹی مزور، خواری کش و بزغرآتا شونداری کن انقلابی گام گیج کیک۔ خورشید احمد شاہ پارے کہ خواری کش آتا شونداری آن بیدس نئے تو ملک شون ہلنگ کیک و نئے اونا الس شونہال مننگ کیک۔ او پارے کہ یوم مئی آ نن دا قول کینہ کہ نن مزور ، بزغر و خواری کش آتا شونداری و شونہالی کن زیات آن زیات کاریم کینہ۔ ۔ اوپارے کہ پاکستان پیپلزپارٹی خواری کش آتا پارٹی ءِ و پیپلزپارٹی مدام مزور ، بزغر و خواری کش آتا حق اکن توار بڑز کرینے۔
