کوئٹہ۔ 01 مئی (اے پی پی) صوبائی وزیر ڈٹ بندی و شونداری نور محمد دمڑ پارینے کہ خواری کش آتا راجی آسراتی غٹ آن زیات مقدم ءِ مزور ننا ہیروک ءُ ہرا حلال نا رزق کٹسا زرگزران ءِ سوگو کیرہ، داخیال آتا درشانی ءِ او یکم مئی یوم مزور نا بابت جاری اسہ بیان اسے ٹی کرے، صوبائی وزیر شونداری پارے کہ خواری کش آتے اوفتا حق تننگ کن سنبرینگوک اُن و صوبائی حکومت خواری کش آتا راجی آسراتی کن گام گیج کننگ ءِ ، نور محمد دمڑ پارے کہ خواری کش تپہ ءِ اوفتا روا ہند تننگ آن بیدس پائیدار شونداری و راجی شونداری دوئی کننگ مفک، دادے انا مسخت مزور آتا حق اکن توار بڑز کننگ و اوفتا خذمت آتے خراج تحسین پیش کننگ ءِ۔
