کوئٹہ۔ 01 مئی (اے پی پی) پارلیمانی سیکرٹری کانود و پارلیمانی امور ڈاکٹر ربابہ خان بلیدی پارینے کہ صوبائی حکومت مزور و اوفتا خاہوت آتا راجی آسراتی کن سنبرینگوک ءِ ، مزور آتا راجی و اوفتا زند انا آب ءِ بڑز کننگ کن حکومت مزور آتا بابت کانود ءِ گچین کننگ تون اوار چندی گام گیج کرینے۔ جہانی مزور دے آ تینا کلہو اٹی اوپارے کہ جہانی یوم مزور ہر سال مزور آتا خواری نا یات اٹی اڈتننگک، دادے ننے اسہ موقع اس ایتک کہ نن مزور آتا ہمو کوشست آتے یات کننگ کین ہرافتے اوفک تینا ملک انا شونداری شونہالی و آسودہی کن کرینو۔ اوپارے کہ وطن عزیز نا اقتصادی شونداری و شونہالی ننا خواری کش و کسبکار آتا سخت کوشست آتیان بیدس مننگ کپک غٹ اسٹیک ہولڈر آتا کمک اٹ نن تینا خواری کش آتیکن گچین زند اناآب اس دوئی کننگ کینہ و اوفتے کن شونداری نا بریبر وارخواہی و حق انا فراوانی ءِ پک کننگ کینہ۔
