کوئٹہ۔ 01 مئی (اے پی پی) ترجمان حکومت بلوچستان فرح عظیم شاہ پارینے کہ خواری کش تپہ نا حق انا رکھ اکن بیدس شونداری ، شونہالی نا تغ پورو مننگ کپک۔ صوبائی حکومت خواری کش تپہ کن ملازمت آتا زیات آن زیات وارخواہی ودی کننگ اٹ سرسہب مریک۔ داخیال آتا درشانی ءِ او جہانی مزور دے انا وخت آ تینا اسہ کلہو اسے ٹی کرے۔ فرح عظیم شاہ پارے کہ صوبائی حکومت خواری کش تپہ نا راجی آسراتی کن پورو وڑاٹ سنبرینگوک ءِ انتئے کہ نن دا حقیقت آن معلومدار اُن کہ شونداری و شونہالی ٹی خواری کش تپہ نا کڑد بھاز اہمیت تخک صوبائی حکومت تینا منشور نا رداٹ مزور آتا راجی آسراتی نا رکھ ءِ پک کننگ کن پبی گام گیج کننگ ءِ ، اوپارے کہ مزورآتا جہانی دے خواری نا عظمت و قومی شونداری ٹی خواری کش تپہ نا اہمیت و اہم کڑد ءِ تالان کیک۔ مزور آتا راجی آسراتی، رکھ صوبائی حکومت نا اولیت آتیٹی اوار ءِ دا رداٹ خواری کش خاص وڑاٹ کانڑکن تیٹی کاریم کروک آ مزور آتا رکھ ءِ پک کننگ کن گچین کانود سازی اتون اوار اوار میکنیکل مائننگ درستی راستی کرفنگ آ کاریم برجاءِ۔
