اسلام آباد۔30اپریل (اے پی پی): مزن وزیر شہباز شریف ءَ سعودی عرب ءِ سئے روچی تر ءُ تاب سرجم کت، اے گپ آئی ءَ وزارت ءِ درئی کار ءِ ترجمان ءَ شمبے ءِ روچ ءَ یک ٹویٹے ءَ گوشت، مزن وزیر محمد شہباز شریف ءَ تر ءُ تاب ءِ ساھت ءَ گوستگیں شپ شعودی عرب ءِ ولی زمانگ شہزادہ محمد بن سلمان ءَ گوں گند ءُ نند کتگ ات۔ دوئیں سروک آنی نیام ءَ جدہ ءَ ڈلی تک ءَ گپ ءُ تران بوت۔ درئی کارانی کارگس ءِ ترجمان ءِ رد ءَ گند ءُ نند ءِ ساھت ءَ تجارتی ءُ کاروباری یکوئی آناں گیش شاھیگانی کنگ، سرمایہ کاری ءَ را گیش کنگ ءُ پاکستانی الس ءِ واستہ روزگار ءِ موہ پیداک کنگ ءِ واستہ جیڈھ آنی سر ءَ باست ءُ واست کنگ بوت۔ سعودی عرب ءِ تر ءُ تاب ءِ ساھت ءَ وزیر ءِ درئی کار بلاول بھٹو زرداری ءَ ھوار مزن تکی ڈل مزن وزیر محمد شہباز شریف ءِ ھمبراہ ات۔
