مزن وزیر شہباز شریف ءِ  یوم القدس ءِ موہ ءَ کلوہ

اسلام آباد ۔29اپریل (اے پی پی): مزن وزیر شہباز شریف ءَ  یوم القدس ءِ ساھت ءَ دلیریں فلسطینی الس آں گوں   آجوئی ءِ  واستہ یکوئی ءِ درشان کنان ءَ گوشت کہ گیر کانودی رنگ ءَ بھارت ءِ  زیر کبزہ ءَ  جموں کشمیر ءُ اسرائیل ءِ  ناجائزیں کبزہ ءِ ھلاپ ءَ  منظور کتگیں منوگری آنی پد ءُ رند    ءُ اے کوھنیں  جیڈھ آنی گیواری  ءَ چہ دگنیا  ءُ پڑ ءَ  سرجمیں ایمنی بوت کنت۔  میاں اوستمانی برات ھاسیں رنگ  ءَ یونائیٹڈ نیشن ءِ سلامتی کونسل ءِ منوگری  ءُ دو ریاستی گیواری ءِ  ھوالگ ءَ  پد ءُ  رندی ءَ را دل یکیمی جوڑ کنگ ءِ واستہ  پکوئیں کرد  پیلو بکنت۔

 آدینگ ءِ روچ ءَ یوم القدس ءِ ھوالگ ءَ کلوہ ءَ آئی  ءَ گوشت کہ براتیں ملک ایران  ءِ نیمگ ءَ 1979  ءَ  بندات بوھوکیں  اے میاں اوستمانی روچ ءِ مول ءُ مراد توامیں مسلمان  آنی نیمگ ءَ وتی فلسطینی برات ءُ  گہار  ءُ زھگ آنی  ھک آنی واستہ یکوئی ءِ  درشان کت۔ یروشلم   جتا فلسطینی ریاست ءِ دارالحکومت   منگ بوتگ  ایش ھما  انت کہ ادا قبلہ اول توامیں مسلمان آنی روح ءِ   سارتی ءِ  سبب بیت۔