مزن وزیر  شہباز شریف سعودی عرب ءِ تر ءُ تاب ءِ دومی روچ ءَ مدینہ منورہ ءَ چہ جدہ ءَ پج ات

جدہ۔29اپریل (اے پی پی): مزن وزیر شہباز شریف آدینگ ءِ روچ ءَ  سعودی عرب ءِ تر ءُ تاب ءِ دومی روچ ءَ مدینہ منورہ ءَ چہ جدہ ءَ پج ات۔ گورنر مکہ خالد بن فیصل  السعود  ءُ سعودی عرب ءِ راجی  سلامتی  ءِ مشیر ڈاکٹر مسعد بن محمد  العیبان ءَ  ائیر پورٹ ءِ سر ءَ  مزن وزیر ءَ را وش اتک کت۔ مزن وزیر مدینہ  منورہ ءَ دارگ ءِ ساھت ءَ  دو رند ءَ  روزہ ءِ رسول ءِ سر ءَ  شت۔  ریاض الجنتہ ءَ  نفل ونت۔  جمعہ الوداع ءِ نماز  مسجد نبوی ءَ ونت۔ ملکی سلامتی، دیمروئی ءُ چ اگری وشھالی ءِ واستہ دعا ءِ نیک ھم کت۔  

بنجاھی وزیر بلاول بھٹو زرداری، مفتاح اسماعیل ، نوابزادہ شاہ زین بگٹی،   مریم اورنگزیب، خواجہ محمدآصف، چوہدری سالک حسین، ڈاکٹر خالد مقبول صدیقی، محسن داوڑ  ءُ  مولانا طاہر اشرفی  ھم مزن وزیر ءِ  ڈل ءَ ھمبراہ اتنت۔  مزن وزیر ءِ سیٹ ءَ گرگ ءَ چہ پد  مزن وزیر ءِ اے اولی در ملکی تر ءُ تاب انت۔

تر ءُ تاب  ءِ ساھت ءَ  ولی  عہد شہزادہ محمد بن سلمان  بن عبدالعزیز ءُ ایندگر سیادی داروکیں کارندہ آں گوں گند ءُ نند  آنی تہ ءَ اقتصادی  ءُ تجارتی  رابطہ آناں گیش ودینگ ءُ سرمایہ کاری  ءَ را دیمروئی دیگ ءَ ابید سعودی  عرب ءَ پاکستانی الس ءِ وشھالی ءِ واستہ روزگار ءِ گیشاں چہ گیش موہ پیداک کنگ ءِ ھوالگ ءَ  گپ ءُ  تران  ھم کنت۔