اسلام آباد۔30اپریل (اے پی پی):صدر مملکت ڈاکٹر عارف علوی ءَ چین ءِ الس ءُ حکومت ءِ گوما یکوئی ءِ درشانءِ واستہ شمبے ءِ روچ ءَ اداس چینی سفارتخانہ ءِ تر ءُ تاب کت ءُ 26 اپریل 2022 ءَ کراچی ءَ بوھوکیں ناشرکاری ءِ ارش ءَ چینی شہری ءِ جانی تاوان ءِ پد ءَ دلپدردی ءِ درشان کت۔ اے موہ ءِ سر ءَ چینی سفارتخانہ ءِ ناظم الامور پینگ چونچوئی ءُ اپسرگ آں گوں تران کنان ءَ صدر مملکت ءَ گوشت کہ اے اپسوزی واکیہ ءِ سر ءَ سرجمیں پاکستانی ارش ءَ را جھلانکیں رنج ءُ اندو بوتگ ءُ آ وتی چینی برات ءُ گہار آنی ڈکھ آنی تہءَ بروبری ءَ شریک انت۔ ڈاکٹر عارف علوی ءَ اے جزم ءِ درشان کت کہ آ پاکستان چینی شہری آنی رکھینگ ءَ را دل یکیمی جوڑ کنگ ءُ اے سلئیں وئیل ءَ گوں دست مانجنیں مردم آناں گرگ ءُ پنجگ کنگ ءِ واستہ گامگیج چست کنگ بیت۔
