لاہور۔30اپریل (اے پی پی):اسپیکر راجی اسمبلی پرویز اشرف ءَ گوشت کہ یک ءِ دومی ءَ را سگ ءُ اوپار کشی کنگ ءُ دلیل ءَ گوں گپ کنگ ءَ مئے پائیدگ انت، ھرکس استعفا دنت آئی ءَ را دیم ءَ نادیناں ءُ استعفا نبشتہ کنائینگ بیت ءُ اے ھم جست گرگ بیت کہ تئی سر ءَ کسے ءَ زور پر نہ کتگ، پارلیمان ءِ پیسلہ پارلیمان ءَ چہ بہ بیت، زوت الیکشن ءِ جیڈھ الیکشن کمیشن ءُ حکومت ءَ چارگی انت۔ اے ھیالانی درشانی آئی ءَ شمبے ءِ روچ ءَ پیپلز پارٹی نیامی پنجاپ سیکرٹری ءَ میڈیا ءِ جست آنی پسو ءَ کت۔ اے موہ ءِ سر ءَ جنرل سیکرٹری سید حسن مرتضیٰ انفارمیشن سیکرٹری شہزاد سعید چیمہ ، چودہرری اسلم گل، ڈاکٹر خیام حفیظ، افنان بٹ، انجم بٹ، ملک جمشید شہباز، صابر بھلہ ءُ ایندگر سروک ھم ساڑی اتنت۔
