اسلام آباد۔30اپریل (اے پی پی):وزارت تہی کار ءَ کسانیں ائید ءِ موہ ءَ کیزی آناں 90 روچ ءِ سزا آنی معافی ءِ ھوالگ ءَ صوبگ آناں کاگد جاڑی کتگ۔ شمبے ءِ روچ ءَ وزارت ءِ تہی کار ءَ چہ جاڑی بوتگیں بیان ءِ رد ءَ وزارت ءِ تہی کار ءَ نمدی پنجاپ، سندھ، کے پی کے، بلوچستان ءُ گلگت بلتستان ءِ ہوم ڈیپارٹمنٹ ءَ را نمدی نبشتہ کتگ۔ نمدی ءَ گوشگ بوتگی کہ صدر پاکستان ءِ اختیارات آرٹیکل 45 ءِ چیر دستی ءَ سرجمیں ملک ءَ جیل آنی تہ ءَ استیں کیزی آنانی کیز ءِ تہ ءَ 90 روچ ءِ سزا معاف کتگ۔ 90 روچ ءِ سزا معاف بیت ایشی ءِ تہ ءَ امبر کیز ءِ کیزی ھم ھوار انت۔ سزا ءِ یک بھر ءِ سرجم کنوکیں 65 سال ءَ چہ گیش مرد ءُ 60 سال ءَ چہ گیش زالبولیں کیزی ھم ھوار انت۔ نمدی ءِ تہ ءَ نبشتہ انت کہ سزا ھما مردم ءِ معاف نہ بنت ھما کہ ملک ءَ گوں گداری ، مالی فراڈ ءُ راجی ھزانگ ءَ را تاوان دیوک، ملک ءِ ھلاپ ءَ گامگیج آں گوں دست مانجنیں کیزی ایشی ءِ تہ ءَ ھوار نہ انت۔ سزا معافی ءِ ھوالگ ءَ پالیشی آنی پد ءُ رند ءِ واستہ پنت ءُ شون جاڑی کتگ انت۔
