جدہ۔ 30 اپریل (اے پی پی) وزیراعظم شہباز شریف و سعودی ولی عہد شہزادہ محمد بن سلمان بن عبدالعزیز نا نیام اٹ جمعہ نا نن داڑے اوڑدہی مس ہراٹی پاکستان و سعودی عرب نا تعلقداری و تین پہ تینی است خواہی نا امور آ گپ وتران کننگا۔ وزیراعظم آفس نا میڈیا ونگ انا کنڈآن جاری بیان نا رداٹ سعودی ولی عہد شہزادہ  محمد بن سلمان وزیراعظم شہباز شریف ءِ بیا بخیری کن تینٹ پیشن آ بس۔ داوخت آ وزیراعظم شہباز شریف نا شرف اٹی گارڈ آف آنر تننگا۔ سعودی سلہہ بند فوج انا دستہ وزیراعظم ءِ سلامی تس، اوکان پد سعودی ولی عہد سعودی ڈل اتون وزیراعظم نا درستی راستی ءِ کرفے وخت اس کہ وزیراعظم اودے تینا کابینہ نا باسک آتون ملیفے، اوکان پد ہڑتوم آ راہشون تا نیام اٹ  اوڑدہی مس ہراٹی ہڑتوم آ ملک آتا ڈل آک ہم ساڑی ئسر۔ سعودی عرب نا ولی عہد شہزادہ محمد بن سلمان بن عبدالعزیز نا سلہ غا وزیراعظم محمد شہباز شریف سعودی عرب نا مسہ دےئی بڑزکو کہولی سرکاری دورہ غاٹی ءِ۔

متعلقہ مضامینمصنف کی طرف سے مزید