پاک فوج انا سروک جنرل قمر جاوید باجوہ تون بل گیٹس انا ٹیل فون آ گپ وتران

راولپنڈی۔ 30 اپریل (اے پی پی) پاک فوج انا سروک جنرل قمر جاوید باجوہ و بل اینڈ ملینڈا گیٹس فاؤنڈیشن نا شریک چیئرمین بل گیٹس نا نیام اٹ ٹیل فون آ گپ وتران اٹی پولیو نا چٹفنگ و کوویڈ۔ 19 کن پاکستان نا عزم انا بابت امور آ گپ وتران کننگا۔ پاک فوج انا شعبہ تعلقات عامہ نا رداٹ بل گیٹس قومی پولیو مہم نا مخ تفی، جوان رسینگ و کوریج ءِ پک کننگ آ پاک فوج انا ستاءِ کرے۔ آرمی چیف پارے کہ دا اسہ قومی ءُ مسخت اسے و دانا سہرا دا عمل نا غٹ بشخ ہلوک آتے کاہک۔ بل گیٹس وسیلہ غاتا کمتی آن پد ہم کوویڈ۔ 19 نا برخلاف پاکستان نا سرسہبی تا ہم ستاءِ کرے۔ آرمی چیف سرسہبی نا سہرا  اسہ حقی قومی ردعمل ءِ گوندا ہرادے این سی او سی نا میکنزم نا کمک اٹ عمل اٹ اتنگا ہراڑآن وسیلہ غاتے گچین وڑاٹ کاریم اٹ اتنگ اٹ کمک رسینگا۔ آرمی چیف دا نیک مسخت کن بل گیٹس انا کوشست آتا ستاءِ کرے و اودے کمکاری ءِ برجاتخنگ نا  باور کرفے۔