اسلام آباد۔ 30 اپریل (اے پی پی) وزیرداخلہ رانا ثناء اللہ خان حمزہ شہباز ءِ وزیراعلیٰ پنجاب نا عہدہ نا سوغند ہرفنگ آ مبارکبادی ترسا اوڑکن نیک است خواہی نا درشانی ءِ کرے۔ ہفتہ نادے آ تینا بیان اٹی اوپارے کہ ای حمزہ شہباز ءِ بطور وزیراعلیٰ پنجاب سوغند ہرفنگ آ مبارکبادی ایتیوہ او نا سرسہبی کن دعا کیوہ۔ اودااومیت نا درشانی ءِ کرے کہ حمزہ شہباز بطور وزیراعلیٰ پنجاب صوبہ ءِ انشاء اللہ شونداری نا پوسکن آ مزل نا کنڈآ دیک و میاں شہباز شریف پنجاب اٹی شونداری نا سفر ءِ ہراکان اِلاسس ہموکان اونا بناءِ کیک۔ اوپارے کہ بنجاٹی اقتدار نا بدلی آن پد اینو پنجاب اٹی ہم اسہ آئینی و کانودی ریسہ اس ایسر مسنے و پاکستان الحمداللہ داسہ اسہ آئینی ، جمہوری و آسودہی ریاست اسے نا کنڈآ ہنانے۔
