اسلام آباد۔ 30 اپریل (اے پی پی) مسلم لیگ (ن) نا پارلیمنٹ نا زالبول باسک آک مسجد نبوی صلی اللہ علیہ و آلہ وسلم نا خڑک پیش بروک آ واقعہ نا ترندی اٹ مذمت ءِ کرسا پارینو کہ واقعہ غان است افسردہ ءِ۔ نبی کریم صلی اللہ علیہ و آلہ وسلم کن جان ہم حاضر ءِ۔ عالم دینک دا واقعہ ءِ دین نا پیرائے ٹی ہرر۔ ہفتہ نادے آ داڑے اسیجائی پریس کانفرنس آن تران کرسا مسلم لیگ (ن) نا قومی اسمبلی نا باسک طاہرہ اورنگزیب پارے کہ ریاست مدینہ ءِ جوڑ کروک آک بس نعرہ خلسا کریر۔ نبی کریم صلی اللہ علیہ و آلہ وسلم نا روضہ اقدس آ داوڑنا واقعہ مہالو اسل مون آ بتنے۔ ریاست مدینہ نا ہرا نقشہ ءِ اوفک پیش کریر او دا اف۔ عالم دین تیان خواست ءِ کہ دا واقعہ ءِ دین نا پیرائے ٹی ہریر۔ سیماجیلانی پارے کہ حکومت انت اسے نا انتظار ءِ کننگ ءِ۔ نبی کریم صلی اللہ علیہ و آلہ وسلم آ تینا اولیاد آتے قربانی کیو۔
