ننا فوج ایل او سی آ پورو وڑاٹ چسپان سلوک ءِ، وزیراعظم آزاد کشمیر

اسلام آباد۔ 30 اپریل (اے پی پی) وزیراعظم آزاد کشمیر سردار تنویر الیاس خان پارینے کہ ننا فوج ایل او سی آ پورو وڑاٹ چسپان سلوک ءِ، پاک فوج انا مننگ تون ایل او سی آ اسہ بوچ اس ہم سرنگ کپک ، پاک فوج انا حوصلہ، جیرت و نرزوری ءِ سلام پیش کینہ۔ ہفتہ نا دے آ تینا ویڈیو کلہو اسے ٹی سردار تنویر الیاس خان پارے کہ نن عئید انا خوشی تیٹی ایل ا و سی آ ساڑی پاک فوج ان اورناتے یات تخنہ، آزاد کشمیر نا مہاجر کیمپ اٹی مزور آتا رہینگ نا بست وبند کینہ۔