کوئٹہ۔ 30اپریل (اے پی پی) میڈیکل سپرنٹنڈنٹ بولان میڈیکل ہسپتال ڈاکٹر سلطان احمد لہڑی پارینے کہ چنکا عئید نا وخت آ ہروڑنا ہلہلہ ئی حالیت آتون مون تننگ و الس ءِ جان جوڑی نا آسراتی تا فراوانی ءِ پک کننگ کن ڈاکٹر، پیرامیڈیکل اسٹاف نا ڈیوٹی تے خلنگانے ، عئید انا چھٹی تیٹی داکٹر و ایلو اسٹاف تینا تعیناتی نا جاگہ غا حاضری ءِ پک کیر۔ داہیت ءِ او ہفتہ نادے آ چنکا عئید انا چھٹی تا وخت آ ہسپتال اٹی الس ءِ درمان نا آسراتی تا فراوانی ءِ پک کننگ نا بابت اڈ ہلوک دیوان آن تران کرسا پارے۔ ڈاکٹر سلطان لہڑی پارے کہ صوبائی وزیر جان جوڑی سید احسان شاہ و سیکرٹری جان جوڑی صالح ناصر نا خصوصی پارت آ چنکا عئید انا چھٹی تیٹی بولان میڈیکل ہسپتال کوئٹہ ٹی الس ءِ درمان نا آسراتی تا فراوانی کن خصوصی گام گیج کننگانے و چنکا عئید انا چھٹی تیٹی ڈاکٹر، پیرامیڈیکل اسٹاف و ایلوفتا ڈیوٹی تے خلنگانے ڈاکٹر و ایلو عملہ چھٹی تیٹی تینا تعیناتی نا جاگہ غا حاضری ءِ پک کیر ڈیوٹی آن غیرحاضری آ سخت محکمانہ کارروائی کننگک۔
