کوئٹہ ۔ 30 اپریل (اے پی پی) ڈپٹی کمشنر و ایڈمنسٹریٹر میٹروپولیٹن کارپوریشن کوئٹہ شہک بلوچ ایڈیشنل ڈپٹی کمشنر خلیل مراد، چیف میٹرو آفیسر عطاء اللہ بلوچ ایگزیکٹیو انجینئر عبدالحق زہری و ایلو عملہ چنکا عئید انا سرجزآتا بابت کوئٹہ شار انا اناگت و ہلہلہ ئی دورہ ءِ کریر و کوئٹہ شار انا سفائی حالیت آتا جاچ و است جمی نا درشانی ءِ کننگا۔ داوخت آ سبزل روڈ آ مین نالہ نا سفائی نا جاچ ءِ ہلنگا و قمبرانی روڈ اتون اوار ایلو علاقہ غاتیٹی سفائی نا حالیت آتے پین گچین کننگ نا پارت کرے۔
