کوئٹہ۔ 30 اپریل (اے پی پی) چیف سیکرٹری بلوچستان عبدالعزیز عقیلی پارینے کہ حکومت بلوچستان نا کرکی علاقہ غاتون اوار گوادر نا شونداری و دانا بھرم تے لس بندغ اسکان سرکننگ کن کوشست کننگ ءِ و دا عمل اٹ ہر بندغ ءِ تینا کڑد ءِ پورو دلجمعی و احساس زمواری اتون اداکروئی مریک۔ داخیال آتا درشانی ءِ او گوادر اٹی سویلی بلوچستان نا برجا شونداری ڈٹ آتا بابت جاچ دیوان نا کماشی ٹی گپ وتران کرسا کرے ، دیوان اٹی چیئرمین گوادر پورٹ اتھارٹی نصیر خان کاشانی،ڈاٹریکٹر جنرل ادارہ شونداری گوادر مجیب الرحمٰن قمبرانی کمشنر مکران ڈویژن شبیر احمد مینگل ڈپٹی کمشنر گوادر تون اوار ایلو بڑزکو کمامدارآک وخت اس کہ ایڈیشنل چیف سیکریٹری شونداری مفتی سلمان، ایس ایم بی آر ارشد مجید، ایڈیشنل چیف سیکرٹری داخلہ محمد ہاشم غلزئی ، سیکرٹری فنانس حافظ عبدالباسط، سیکرٹری توانائی زبیر خان، سیکرٹری فشریز بابر خان، چیف ایگزیکٹیو آفیسر کیسکو و بنجائی کمامدار آک ویڈیو لنک انا کمک اٹ بشخ ہلکر۔
