اسلام آباد۔ 29اپریل (اے پی پی) بنجائی وزیر صنعت و پیدوار مخدوم سید مرتضیٰ محمود جمعہ نادے آ موبائل ڈیوائس مینو فیکچرنگ پالیسی 2020 آ حوال ہلک۔ پالیسی نا اہم خصوصیت آتے مون آ تخسا ، سی ای او انجینئرنگ ڈویلپمنٹ بورڈ بنجائی وزیر ءِ پارے کہ حکومت موبائل مینو فیکچرر نا است بڈی و پاکستان اٹی زرکاری ءِ راغب کننگ کن اسہ موبائل مینو فیکچرنگ پالیسی اس درستی راستی کرفینے۔ اوپارے کہ پالیسی موبائل ڈیوائس مینو فیکچرنگ (ایم ڈی ایم) نا ضابطہ غاتے مون آتخسا 30 آن زیات کمپنی تے ایم ڈی ایم نا تیاری نا موکل نامہ جاری کننگانے ہراڑآن او پاکستان اٹ موبائل ڈیوائس تیار کننگ کن یونٹ تفینے۔ اوپارے کہ دا پالیسی رداٹ 76 ملین امریکی ڈالر آن زیات نا زرکاری مسنے و ہزار آ مخلوق ءِ براہ راست روزگار نا وارخواہی دوبسنے۔ سی ای او انجینئرنگ ڈویلپمنٹ بورڈ بنجائی وزیر ءِ ہندی وڑاٹ تیار کروک/اسمبل مروک موبائل فون سیٹ آتا بارواٹ ہم پارے کہ 2019-2021اٹی 24.66 ملین سیٹ جوڑ کننگاسس ، وخت اس کہ جنوری آن مارچ 2022اٹی ہندی وڑاٹ 7.16 ملین سیٹ تیار کننگاسس وخت اس کہ ہندا وخت اٹی 0.61 ملین واپاری درآمدات کننگا۔ اوپارے کہ ملک اٹی 88 درسد ٹیلی ڈینسٹی اتون سمارٹ فون تا 193 ملین صارف ساڑی ءُ۔ بنجائی وزیر پالیسی نا مرتب سازی و لوکائزیشن پلان آ عملدرآمد اٹی پیش رفت نا ستاءِ کرے۔ اوپارے کہ موبائل مینو فیکچرنگ سیکٹر نا بابت ٹیکنالوجی نا گدریفنگ و مہارت نا شونداری کن ریسرچ اینڈ ڈویلپمنٹ سینٹر اس جوڑ کننگ نا گرج ءِ اومستی پارے کہ داڑآن مسابقتی برآمدی منڈی ٹی ننا موبائل مینو فیکچرنگ انڈسٹری نا برآمد آتیٹی ودکی مریک۔
