اسلام آباد۔ 29 اپریل (اے پی پی) بنجائی وزیر تعلیم و کسبی تربیت رانا تنویر حسین اینو جمعہ نادے آ فیڈرل بورڈ آف انٹرمیڈیٹ و سکینڈری ایجوکیشن نا گام گیج ، اصلاحات و انتظامی امور آ سرجمی اٹ حوال ہلک۔ بنجائی وزیر تعلیم چیئرمین فیڈرل بورڈ قیصر عالم خان ءِ پارت کرے کہ فیڈرل بورڈ انا رداٹ امتحان تروک آ طالب علم آتا پاس مننگ نا کچ ءِ 80 درسد آن ودفسا 90 درسد اسکان دے۔ بنجائی وزیر تعلیم رانا تنویر حسین پارے کہ اسلام آباد نا اسکول آتا کوالٹی و انفراسٹرکچر ملک انا ایلو بشخ آتیان بایدے جوان مرے۔ اوطالب علم آتا آسانی ءِ مون آ تخسا پیچیدہ کانود اٹی زیات آن زیات آسانی اتنگ نا پارت ہم کرے۔ بنجائی وزیر چیئرمین فیڈرل بورڈ ءِ سروس مہیا کننگ اٹ پین ترندی اتنگ نا ہم پارت کرے۔
