اسلام آباد۔ 29 اپریل (اے پی پی) وزیر داخلہ رانا ثناء اللہ خان پارینے کہ عمران نیازی نا تالان کروک آ شر روضہ رسول صلی اللہ علیہ و آلہ وسلم نا تقدس ءِ پامال کرینے۔ مہرومریبت، امن و سلامتی نا جاگہ ءِ سیاست کن کاریم اٹ اتنگا۔جمعہ نادے آ تینا اسہ بیان اسے ٹی اوپارے کہ عمران نیازی نا مائینڈ سیٹ روضہ رسول صلی اللہ علیہ وآلہ وسلم نا ہراوڑ بے حرمتی ءِ کرینے او مذمت نا قابل ءِ۔ وزیر داخلہ پارے کہ عمران نیازی دا فتنہ ءِ راج انا ہر ذی شعور بندغ سخت ناپسند کرینے۔ دروغ و تہمت آ مبنی عمران ازم کون آ فتنہ ءِ توروئی مریک ورنہ عالم اسلام اٹ ننے آ مخنگک۔ روضہ رسول صلی اللہ علیہ و آلہ وسلم آ اینو منہ بندغ نا فعل مچ آ عالم اسلام اٹ پاکستانی تا پن ءِ بدنام کرینے۔ دا نئے اسلام نا تعلیم ءِ و نئے پاکستان نا تہذیب ، دابیرہ عمران ازم ءِ ۔ داوڑنا خیال آتے شہ تروک آتاہم قوم ءِ محاسبہ ءِ کروئی مریک۔
