نیویارک اٹی پاکستانی قونصل جنرل عائشہ علی نا پاکستانی نژاد امریکی عہدیدار آتا شرف اٹی افطار ڈنر اس تس

نیویارک۔ 29 اپریل (اے پی پی) نیویارک اٹی پاکستانی قونصل جنرل عائشہ علی پاکستانی نژاد امریکی سرکاری و گچین مروک آ عہدیدار آتا شرف اٹی افطار ڈنر اس تس ۔ افطار ڈنر اٹی پاکستانی کمیونٹی، ترکی، قطر و متحدہ عرب امارات نا سفیر، چندی مذہبی نمائندہ، نیویارک پولیس ڈیپارٹمنٹ نا پاکستانی ڈپٹی انسپکٹر عدیل رضا نا کماشی ٹی پولیس آفیسر ، نیویارک میئر نا سینئر ایڈوائزر احسن چغتائی، کمشنر اینڈ یف ایڈمنسٹر یٹر لاجج آف اوتھ، اسمبلی باسک شمع حیدر و صدف جعفر و اولیکو پاکستانی فیڈرل جج زاہد قریشی ئسک بشخ ہلکر۔ قونصل جنرل عائشہ علی دا عہدیدار آتے بروک آ چین کن رول ماڈل اس گوندسا پارینے کہ قونصلیٹ جنرل نما اُرا ءِ، نن نما است بڈی و کمکاری ءِ کرسا کینہ۔ اوپارے کہ تدوک آ سال اٹی پاکستانی نژاد امریکی سرکاری و گچین عہدیدار آتیٹی پدریسہ ودکی مس۔ اوعہدیدار آتا درستی راستی ءِ کرفسا پارے کہ نم سگ، اسلام نا جہانی و پرامن روح ءِ بیان کننگ اٹ سرفہرست مسنورے۔ ای نما خذمت و نما گچین رول ماڈل مننگ کن نما منت واری ءِ ہرفیوہ۔ قونصل جنرل عائشہ علی پارے کہ سوگو پاکستانی کمیونٹی پاکستان و امریکہ نا سوگو شریداری نا حقی بنداو ءِ۔ عائشہ علی پارے کہ روچہ مبارک اٹی بھارت نا غیر کانودی کوزہ ٹی جموں و کشمیر نا ایڑھ و ایلم تے بایدے گیرام کننگپ ہرافتا حق ءِ بھارتی کوزہ گیر فوج 1947 آن لتاڑنگ ءِ۔ دا روچہ مبارک اٹی ننا دا سوچ و نیک است خواہی تے مچ آ دنیا اسکان سرکننگ نا گرج ءِ۔