کوئٹہ۔ 29 اپریل (اے پی پی) الیکشن کمیشن آف پاکستان ای سی پی ضلع کوئٹہ و لسبیلہ نا حلقہ بندی تا عمل ءِ جمعہ نادے آ پورو کرے۔ ای سی پی آفس کوئٹہ غان جاری اعلامیہ نا رداٹ الیکشن کمیشن آف پاسکتان تینا شیڈول نا رداٹ 29 اپریل 2022 آ بلوچستان نا ضلع کوئٹہ و لسبیلہ ٹی حلقہ بندی تے پورو کرینے۔ پوسکن آ حلقہ بندی تا رداٹ کوئٹہ میٹرو پولیٹن کارپوریشن اٹ 84 وارڈ جوڑ کننگانے۔ کوئٹہ ڈسٹرکٹ نا خلقی آ علاقہ غاتیٹی 108 یوسی و 555 وارڈ جوڑ کننگانے وخت اس کہ ضلع لسبیلہ ٹی پنچ میونسپل کمیٹی و 1 میونسپل کارپوریشن اس اوار ءِ ضلع لسبیلہ نا شاری علاقہ غاتیٹی 98 وارڈ جوعڑ کننگانے ضلع لسبیلہ نا خلقی آ علاقہ غاتیٹی 32 یونین کونسل ءُ ہرافتے ٹی 186 وارڈ ءُ۔ یات سلے کہ حکومت بلوچستان نا کنڈآن آبادی نا کچ اٹ ضلع کوئٹہ و لسبیلہ نا خلقی و شاری یونین کونسل ، وارڈ آتا کچ ءِ سہی کرفنگاسس اوکان پد دُوارہ حلقہ بندی کننگانے۔
