کوئٹہ۔ 29 اپریل (اے پی پی) جمہوری وطن پارٹی نا کارندہ غاک تدوک آ دے مسجد نبوی ٹی پیش بروک آ واقعہ نا برخلاف بلوچستان نا قبائلی علاقہ ڈیرہ بگٹی ٹی برانزی مچی اس کریر و سعودی حکومت آن خواست کریر کہ واقعہ ٹی اوار بندغ آتا برخلاف سخت کارروائی کننگے۔ ترانکارآک واقعہ ءِ قابل مذمت و است ہسونی اس گوندسا پاریر کہ مسجد نبوی ٹی سیاسی جماعت نا کارندہ غاتا طرز عمل مذمت نا قابل ءِ۔ ترانکارآک بنجائی وزیر نوابزادہ شاہ زین خان بگٹی تون بدتمیزی و نارو اسلوک نا مذمت ءِ کرسا سعودی و پاکستانی کمامدار آک دا واقعہ نا نوٹس ءِ ہلسا دوبہ دار آتا برخلاف کارروائی کننگ نا خواست کرے۔
