اسلام آباد۔ 22 اپریل (اے پی پی) یورپی یونین نا ملک آتیٹی رہینگوک آ پاکستانی تا زررادہ کننگ اٹ برجامالی سال انا اولیکو 9 تُو اٹی تدوک آ مالی سال انا ہندا مد انا مقابلہ ٹی 28.3 درسد نا نمو ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ جولائی آن ہلیس مارچ 2022 اسکان نا مداٹی یورپی یونین اٹی اوار ملک آتیٹی کاریم کروک آ پاکستانیک 2.504 ارب ڈالر نا زرمبادلہ ملک آ مون تسر ہرا تدوک آ مالی سال انا ہند امد انا مقابلہ ٹی 28.3 درسد زیات ءُ۔ تدوک آ مالی سال انا ہندا مد اٹی یورپی یونین نا ملک آتیٹی رہینگوک آ پاکستانی تا زررادہ کننگ نا کچ 1.951 ارب ڈالر ریکارڈ کننگاسس۔ مارچ انا تُو اٹی یورپی یونین نا ملک آتیان زررادہ کننگ نا کچ 280.1 ملین ڈالر ریکارڈ کننگا ہرا تدوک آ سال مارچ اٹی 236.1 ملین ڈالر و فروری ٹی 237.3 ملین ڈالر ریکارڈ کننگاسس۔ یات سلے کہ برجامالی سال انا اولیکو 9 تُو اٹی سمندر پار پاکستانی تا زررادہ کننگ اٹ تدوک آ مالی سال انا ہندا مد انا مقابلہ ٹی 7.1 درسد نا نمو ریکارڈ کننگانے۔
