کوئٹہ۔ 19مئی (اے پی پی) کوئٹہ نا علاقہ دے ٹکی بائی پاس بھوسہ منڈی نا ہند آ بلوچستان کانسٹیبلری نا گاڈی نا خڑک بمب دھماکہ اسہ پولیس کارندہ اس تپاخت وخت اس کہ 4کارندہ ٹھپی مسر و اسہ کارندہ سینا حالیت نازرک پاننگانے دھماکہ ٹی چار آن پنچ کلو دھماکہ خیز مواد کاریم اٹ اتنگاسس۔ ٹھپی مروک آتے سی ایم ایچ ہسپتا ل آ گدریفنگا۔ پولیس نا رداٹ پنچ شنبے آ کوئٹہ نا علاقہ دے ٹکی بائی پاس بھوسہ منڈی نا ہند آ بلوچستان کانسٹیبلری نا گاڈی ہردے آنبار تینا گشت آ ہناکہ کہ اناگت سڑک نا خڑک تخوک ریموٹ کنٹرول بمب دھماکہ مس ہرانا نتیجہ ٹی ہیڈ کانسٹیبل عطاءمحمد موقع غاہی تپاخت کرے وخت اس کہ کانسٹیبل رزاق، ثناءاللہ ، عبدالوحید و ڈیور شبیر حسین ٹھپی مسر۔ پولیس و سیکورٹی فورسز آک جاگہ غا سرمرسا لاش و ٹھپی مروک آتے دمدستی وڑاٹ سی ایم ایچ ہسپتال آ گدریفیر ہراڑے ٹھپی تے طبی امداد تننگ انگ ئِ۔ پولیس و سیکورٹی فورسز آک علاقہ نا ناکہ بندی ئِ کرسا دوبہ دار آتا پٹنگ نا بنائِ کرسا مستی سرچ آپریشن نا بنائِ کرینو۔ دھماکہ ٹی چار آن پنچ کلو دھماکہ خیز مواد کاریم اٹ اتنگاسس۔
