اسلام آباد۔22مارچ (اے پی پی): مزن وزیر عمران خان ءَ اسلامو فوبیا ءِ گر ءُ دار ءِ واستہ 15 مار چ ءِ میاں اوستمانی روچ ءِ رنگ ءَ برجم دارگ ءِ منظوری ءَ چہ مسلم آنی ٹوھیں کامیاتی ءِ نامینت ءُ گوشت کہ مسلم ملک آناں وتی درئی پالیشی ءَ کور ایشوز آنی سر ءَ تپاکی ءَ گوں ودینگ ءِ ضلورت انت۔ نائن الیون ءَ چہ پد ناشرکاری ءَ را اسلام ءَ گوں بندوک کنگ بوتگ، اسلام ءِ اچ رنگ ءَ گوں ناشرکاری ءَ سیادی نیست، اسلامو فوبیا یک گواچن ات۔ مار وتی گپ آناں دیم ءَ جنزینگی انت۔ میاں اوستمانی کانود ءُ یونائیٹڈ نیشن ءِ سلامتی کونسل ءِ منوگری ءَ ابید فلسطین ءُ کشمیر ءِ مسلمان آناں بنیاتی ھک ءَ چہ گستا دارگ بوھگ ءَ انت۔ روس یوکراین جنگ ءَ اسلامی کمکی گل او آئی سی سلاھ کار ءِ کرد ءَ پیلو کت کنت۔ اے کشاں چیل ءَ چہ دگنیا ءَ پٹرول ءُ گندم ءِ نیام گیش بوھگ ءَ انت۔ اے ھیالانی درشانی آئی ءَ سئے شمبے ءِ روچ ءَ ادا پارلیمںٹ گس ءَ او آئی سی وزیر ءِ درئی کار کونسل ءِ 48 چیل ءُ ھشتمی دیوان ءِ بنگیجی سیشن ءَ گوں گشتانک دیان ءَ کت۔
