اسلام آباد۔8مارچ (اے پی پی):سیکرٹری اھوالکاری ءُ شنگ شاہیرہ شقاہد ءَ گوشت کہ زالبول سول سروسز آف پاکستان ءَ ھوار توامیں چاگرد ءَ ارزشتی کرد ءِ پیلو کنگ ءَ انت، زالبول آنی حکومت کار ءُ زندمان ءِ دومی شوبگ آنی تہ ءَ ھواری ملک ءَ را دیم ءَ بارگ ءَ باز ارزشتی انت۔ ریڈیو پاکستان ءَ را گلگدار دیان ءَ گوشت کہ استیں حکومت زالبول آناں معاشی رد ءَ وت مستر جوڑ کنگ ءُ آوانی ھک آنی رکھینگ ءِ واستہ گامگیج چست کنگ ءَ انت۔ زالبول آناں میراسی ھک پجاری ءَ کامیاتی گوں جوڑ کنگ بوتگ۔ سیکرٹری اھوالکاری ءَ گوشت کہ حکومت راج ءِ ازمت ءَ کنگ ءَ انت ءُ ایشی ءِ کارندہ سرجمیں واھشت ءُ جزم ءِ گوما کار کنگ ءَ انت۔ آئی ءَ گوشت کہ ریڈیو پاکستان الس آں تاں مالوم داری دیگ ءِ ھوالگ ءَ جوانیں کار کنگ ءَ انت۔
