اسلام آباد۔8مارچ (اے پی پی): بنجاھی سیکرٹری اھوالکاری ءُ شنگ کاری شاہیرہ شاہد ءَ گوشت کہ زالبول مئے ملکی آباتی ءِ نیم کساس ءَ چہ گیش انت، ایشاناں ڈلگچار کنگ ءَ چہ ملک دیمروئی کت نہ کنت، حکومت زالبول آناں راجی ھمگامی ءَ گوں ھمبراہ دار کنگ ءَ دلبڈی دیگ ءَ انت۔ سئے شمبے ءِ روچ ءَ زالبول آنی میاں اوستمانی روچ ءِ درگت ءَ ویڈیو کلوہ ءَ آئی ءَ گوشت کہ زالبول آناں ڈلگچار کنگ ءِ مطلب ایش انت کہ ما دومی ملک آنی رد ءَ وتی نیم کساس آباتی ءَ چہ کار گرگ ءَ آں ھمے واستہ زالبول ناں ایوک ءَ ھمبراہ کنگ ءُ دیم ءَ جنزگ المی نہ انت بلکینگ ءَ ایشاناں جوانیں ایٹماسپیئر پجاری کنگ ءِ ضلورت است انت۔ ایشی ءَ چہ آ راجی ھمگامی ءَ ھوار بہ بنت۔ آئی ءَ گوشت کہ وھد ءِ من سروس بندات کتگ گڈا 185 ءِ زمانگ ءَ ایوک ءَ 9 زالبول اپسرگ بوتگ انت، نوں بیجز پیداک انت ایشانی تہ ءَ 100 زالبول ھوار انت۔ آئی ءَ گوشت کہ حکومت لوٹ ایت نیم ءَ چہ گیش آباتی ءَ را دیمروئی ءِ کار ءَ ھوار کنگ بہ بیت۔ آئی ءَ گوشت کہ زالبول بوھگ ءِ رد ءَ زالبولیں اپسرگ آنی مشکل آناں گوں جوانی ءَ سرپد باں۔ زالبول آنی سروکی ھمک تک ءَ بہ بیت۔ زالبول آنان ڈگار ءُ گس آں ھوار زندمان ءِ ھمک تک ءُ پھنات ءَ ارزشتی ایں کرد پیلو کنگ ءَ انت ءُ گیشتریں رند ءَ ایشانی ازم ءَ را ساڑاھگ نہ بیت۔ اگاں ایشانی ازمت ءَ را منگ بہ بیت گڈا ایشانی کرد گیش گہتر بیت۔ آوانی دلبڈی بیت۔ آئی ءَ گوشت کہ استیں حکومت ءَ زالبول آناں آوانی میراسی ءُ ایندگر ھک ءِ پجاری ءُ معاشی رنگ ءَ ایشانان وت مستر جوڑ کنگ ءِ واستہ باز کار کتگ۔
