اسلام آباد۔ 08 مارچ (اے پی پی) بنجائی وزیر داخلہ شیخ رشید احمد پارینے کہ اپوزیشن ہچ اس کننگ کپک، وزیراعظم عمران خان دُز، اچک و لٹ و پل کروک آتے شکست ایتک۔ سے شنبے نادے آ فاطمہ جناح یونیورسٹی ٹی جہانی یوم نسواں نا رداٹ اڈ ہلوک آ دود آن تران کرسا اوپارے کہ فاطمہ جناح وومن یونیورسٹی 99 نا دہائی ٹی کنا کوشست آتیان جوڑ مس، ای راولپنڈی نا دا حلقہ ٹی اِرا پین یونیورسٹی جوڑ کریٹ۔ اینو راولپنڈی تعلیم نا رداٹ بھاز مون آٹے۔ ای پنڈی ٹی 60 انا خڑک تعلیمی ادارہ جوڑ کریٹ، غٹ زالبول آتا تعلیم کن ئسر۔ اووزیراعظم آن خواست کرے کہ چیف منسٹر ہاؤس، کمشنر ہاؤس تون وار اہم سرکاری ماڑی تے تعلیمی مسخت آتیکن تننگے۔ وزیرداخلہ لال حویلی ءِ ہم تعلیمی مسخت آتے کن تننگ نا پڑو کرے۔ اووزیراعظم ءِ مخاطب کرسا پارے کہ عزت آتا فیصلہ خداتون ءِ۔ اپوزیشن ہچ اس کننگ کپک۔ وزیراعظم دُز، اچک و لٹ وپل آتیان خلیپ۔ عمران خان اوفتے شکست ایتک۔
