اسلام آباد۔ 18مئی (اے پی پی) صدر مملکت ممنون حسین پارینے کہ حکومت مچ آ ملک انا الس ئِ جان جوڑی آسراتی نا فراوانی کن ٹھوس گام گیج چست کننگ ئِ۔اوداہیت ئِ پارلیمانی سیکرٹری نیشنل ہیلتھ سروسز، ریگولیشنز اینڈ کوآرڈینیشن ڈاکٹر درشن پونچی تون چارشنبے آ ایوان صدر اٹی ہیت وگپ کرسا پارے۔ صدر مملکت ممنون حسین پارے کہ حکومت نا کنڈآن الس ئِ جان جوڑی نا آسراتی تا فراوانی نا رداٹ کیہی نمان گام گیج چست کننگانے ۔ او الس ئِ ہڑزان و معیاری جان جوڑی نا آسراتی اسکان آسان رسائی نا اہمیت آ زورشاغسا پارے کہ جان جوڑی انسانی وسیلہ غاتا شون قوم انا شون و شونہالی نا کلید مریک۔ اوداہیت آ ہم زورشاغا کہ غٹ ئِ ٹیکسز ادا کروئی مرے تانکہ الس ئِ جان جوڑی نا زیات آن زیات آسراتی تا فراوانی کن وسیلہ غاتے ودی کننگ مرے۔
