اسلام آباد۔ 18مئی (اے پی پی) وزیراعظم محمد نواز شریف پشاور اٹی اِرا دھماکہ غاتا ترندی اٹ مذمت ئِ کرینے۔ او تعلقدار کمامدار آتے ٹھپی تا خصوصی طبی نگہداشت یخینی جوڑ کننگ نا ہم پارت کرے۔ پشاور اٹی اسہ پولیس کارندہ اس ”اے پی پی“ ئِ پارے کہ دا دھماکہ غاک نیم گھنٹہ نا وقف آن مسر ہراڑے دھماکہ خیز مواد آک اسٹ آن پد ارٹ میکو ترخا، ہرانا نتیجہ ٹی 17بندغ ٹھپی مسر ہرافتے ٹی اسہ پولیس کارندہ اس ٹھپ آتا وس ئِ ہتنگ کتو لیڈی ریڈنگ ہسپتال اٹی دنیا ئِ الا۔ کارندہ نا رداٹ اولیکو دھماکہ نا ہدف پولیس وین ئس وخت اس کہ ارٹ میکو دھماکہ ہمووخت آ مس ہراتم ریسکیو نا کاریم کن مخلوق آک دھماکہ نا جاگہ آ مچ مسوسر۔
