اسلا م آباد۔ 18مئی ( اے پی پی) مزن وزیر محمدنواز شریف ئَ گشتگ انت کہ پاکستان ئِ فوج ئِ بہادر فوجی آں ملک ئِ ھاتر ئَ گرانقدر قربانی داتگ۔ آ نا شرکاری ئِ ھلاپ جنگ ئَ ہم سر سوب بیت۔ فوجی آپریشن ئَ شہید بوﺅکیں کیپٹن اسفند یار بخاری ئِ پِت ڈاکٹر فیاض بخاری ئِ گوں گپ ئُُ تران کنگ ئَ مزن وزیر ئَ گشتگ کہ انچیں بہادر فوجی آنی سرا راج ئَ فخر انت۔ کیپٹن اسفند یار کہ آ گوستگیں سال بڈھ بیر کیمپ پشاور ئَ نا شرکار آنی ھلاپ آپریشن ئَ شہید بوتگ، ئَ ستا پیش کنگ ئَ مزن وزیر ئَ گشتگ کہ اسفند یار ئُُ پاکستان ئِ فوج ئِ جوان ملکئِ محافظ انت۔ کیپٹن اسفند یار آپریشن ئِ وھد ئَ صف اعل ئَ وتی فوجی آنی سروکی کنگ ئَ ات۔ مزن وزیرئَ گشتگ کہ انچیں مات ئُُ پت ازت ئُُ شرپ ئِ ھق دار انت آئی ئِ زاھگ دژمن ئَ بہادری ئَ جنگ کنگئَ وتی جان قربان دات انت۔ مزن وزیر ئَ گند ئُُ نندئَ پد ڈاکٹر فیاض بخاری ئَ گشتگ کہ آ یک قابل فخر پِت انت آئی ئِ زاھگ وتی سنگت فوجی ئُُ ایئر فورس کالونی ئَ رہائش پذیر سد آنی مردم آنی جان بچائینگ ئَ شہید بوتگ۔ ڈاکٹر فیاض ئَ ڈسٹرکٹ ہیڈ کوارٹر ہسپتال اٹک ئِ نام کیپٹن اسفند یار بخاری شہید ہسپتال ایر کنگ ئِ مزن وزیر ئِ ستا کرتگ ئُُ وتی زاھگ ئِ شہید ئِ سرا حراج عقیدت پیش کنگئَ مزن وزیر ئِ شکر ئَ گپتگ ئُُ گشتگ کہ مزن وزیر کیپٹن اسفند یار ئَ شریں وڑ ئَ موقف ات۔ آئی ئَ گشتگ کہ مزن وزیر ئَ شہید آنی ھاندان بوھگ ئِ سرا مارا ازت داتگ ماں دعا بہ کناں کہ اللہ تعالیٰ آھاں شرپ ئُُ عزت بہ دنت۔ اے موہ ئَ وزیر دفاع خواجہ محمد آصف ہم ھوار ات انت۔
