اسلام آباد۔ 18مئی( اے پی پی) مزن وزیر محمدنواز شریف ئَ گشتگ انت کہ 2018ئِ گچینکاری ئَ آ اُلس ئِ امید گِس ئَ یک روژن ئُُ شریں پاکستان ئِ گوں پیش کنگ بیت ئُُ دیمروی ئِ دژمن قوت آں شکست دنت ۔ آئی ئَ اے گپ چار شمبے ئَ مزن گِس ئَ مسلم لیگ (ن) ئِ باسک بنجاہی اسمبلی عبداللہ شادی خیل ( این اے71)، مس شازیہ مبشر ( این اے 129)، میاں عبدالمنان ( این اے 83) ئِ گوں گپئُُ تران کنگ ئَ کرتگ۔ آھاں آئی گوں جتا جتائیں گند ئُُ نند کرت انت۔ مزن وزیر ئَ گشتگ کہ مسلم لیگ (ن) ئِ حکومت فلاح عامہ ئِ ھاتر ئَ شپ ئُُ روچ کار کنگ ئَ انت۔ اُلس ئَ زندے ئِ بنیاتی آسراتی دئیگ ئِ ھاتر ئَ ترجیحی بنیات آنی سرا وسیلگ دئیگ ئَ انت۔ اُلس ئِ زند ئَ آسانی آرگ ئِ ھاتر ئَ درستیں پاکستان ئَ پروگرام ئِ سرا تیز رفتاری ئَ کار برجاہ انت۔ مزن وزیر ئَ گشتگ کہ انشاءاللہ ملک ئَ امن ئُُ ایمنی ئِ بحالی، توانائی ئِ بحرانئِ ھلاسی، پاک چین اقتصادی راہداری ئُُ انفراسٹرکچر ئِ منصوبہ ئَ ہمے رفتار ئَ برجاہ ایر کنگ بیت۔ گند ئُُ نند ئَ باسک پارلیمان ئَ وتی حلقہ آں برجاہ دیمروی کار ئُُ اُلسی مسئلہ ئَ مزن وزیر ئَ آگاہ کرتگ۔ آئی ئَ مزن وزیر ئَ گشتگ کہ اُلس حکومت ئِ دیمروی ایجنڈا ئُُ مزن وزیر ئِ معاشی وژن ئِ تائید کنت ئُُ آھانی سروکی ئُُ پالیسی ئِ سرا سرجمیں بھروسہ ئِ درشانی کنت۔
