اسلام آباد۔ 19 جنوری (اے پی پی) وزیرخارجہ مخدوم شاہ محمو دقریشی سویلی پنجاب صوبہ نا جوڑ کننگ نا بابت غٹ سیاسی جماعت آتا راہشون تے سلہ خلسا پارینے کہ او دادے حقیقت اس جوڑ کننگ اٹ ننتون تفر۔ چارشنبے نادے آ تینا اسہ بیان اسے ٹی وزیرخارجہ پارے کہ پی ٹی آئی نا منشور اٹی سویلی پنجاب نا الس کن جتا ءُ صوبہ اس جوڑ کننگ نا قول کننگانے۔ سیاسی تعلقداری تیان ایڑتر مرسا قومی فائدہ غاتیٹی آئینی ترمیم آ سیوت المی ءِ۔ شاہ محمود قریشی پارے کہ پی ٹی آئی نا وائس چیئرمین نا وڑاٹ، ای اپوزیشن راہشون تے سلہ خلیوہ کہ او دادے حقیقت اس جوڑ کننگ اٹ ننتون تفر۔ اوپارے کہ اصلاحات نا کمک اٹ ، ننا چکار سویلی پنجاب نا راجی و اقتصادی شونداری نا کنڈآٹی ءِ۔ اسہ ایڈیشنل چیف سیکرٹری اسے نا ماتحت سویلی پنجاب سول سیکرٹریٹ ہندا کوشست آتا درشانی ءِ۔ شاہ محمود قریشی پارے کہ سویلی پنجاب نا الس نا آسانی، آسراتی و خذمت آتا فراوانی ءِ گچین کننگ کن ضلعی شونداری رابطہ کمیٹی جوڑ کننگانے۔ بحیثیت جماعت نن سویلی پنجاب ءِ اسہ جتا ءُ صوبہ سے نا وڑاٹ امنا کرفنگ کن پدریسہ کاریم ءِ برجاتخانن۔ نن سویلی پنجاب و رِنگ فینسنگ کن 35 درسد آن زیات شونداری بجٹ اتون، جتا، نوکری وانتظامیہ پنجراس جوڑ کرینن تانکہ دُوارہ دازرانا مالی تخصیص ءِ توننگ مرے۔ شاہ محمود قریشی پارے کہ ای غٹ اپوزیشن راہشون تے سلہ خلیوہ کہ او سویلی پنجاب نا الس نا دیرینہ است خواہی نا پوروی کن مون آ بریر۔ نن اواری اٹ سویلی پنجاب صوبہ نا جوڑ کننگ کن آئینی ترمیم نا منظوری آ امنائی سلاہ ءِ پک کین
