اسلام آباد۔ 18مئی ( اے پی پی) چین ئِ تہا پاکستانئِ سفیر مسعود خالد ئَ گشتگ کہ پاک چین ئِ جوان ءُ مھکمیں سیادی ئِ سببئَ دیمپانی ، معیشت دو دءُ ربیدگ ءُ وانگءُ زانگئِ شعبہ ئِ تہا گیشی گندگ بوتگ ءُ باندات ئَ دوھیں ملک اے شعبہ آنی تہا گیش گیشی گندگ ئِ واھشت مند اَنت۔ ریڈیو پاکستان ءِ مراگشئَ گپ ءُ تران کنانئَ آئی ئَ گشتگ کہ دوھیں ملک آنی رھشون پاک چین اقتصادی راہداری ئِ سیکیورٹی ئِ جیڑھئَ گِر ءُدار کنگ ئِ ھاترئَ کوشست کنگ ئَ اَنت چیاکہ اے منصوبہ دوھیں ملک آں ھوار خطہ ءِ ایندگہ ملک آنی ھاترئَ گیم چینجر منصوبہ لیکگ بیت۔ مسعود خالد ئَ گشتگ کہ چین ءُ پاکستان یک جائی ئَ ناشرکاری ءُ بیم کاریئِ ھلاپ ئَ آپریشن ئَ یکے دومی ئِ کمک ئَ کنگ ئَ اَنت آئی ئَ گشتگ کہ دوھیں ملک آنی درنیامئَ دیمپانی ئِ منصوبہ آنی مزنیں درور پاک چین یک جائی کوشستاں چہ جوڑ کتیں جے ایف تھنڈر17 ءُ چین ئِ نیمگئَ چہ پاک بحریہ ئَ را پھجارینتگیں نیول فریگٹس ءَ سابت کن اَنت کہ دوھیں ملک دیمپانی ئِ شعبہ ئِ تہا یکے دومی ئِ کمک ئَ کنگ ئَ اَنت۔ یک جُستے ئِ پسوئَ آئیئَ گشتگ کہ بیجنگ ءُ اسلام آباد اوگانستان ئِ ھوالگ ئَ یکے وڑےں لیکہ ئَ دار اَنت ءُ پاک چین جوانیں ءُ مھکمیں سیادی خطہ ئِ تہا دیم روئی کنگ ئَ ھاسیں کردے پیلو کنت۔
