اسلام آباد۔ 18مئی (اے پی پی ) وزیراعظم محمد نواز شریف پارینے کہ پاکستان نا فوج انا بہادر فوجیک ملک اکن بھاز بھلو قربانی تسنو ، او دہشت گردی نا برخلاف جنگ اٹی ہم سرسہب مریرہ، فوجی آپریشن اٹی شہید مروک آ کیپٹن اسفند یار بخاری نا باوہ ڈاکٹر فیاض بخاری تون ہیت وگپ کرسا وزیراعظم پارے کہ دننگا بہادر فوجی تیا قوم ئِ فخر ئِ، کیپٹن اسفند یارہرامسکوہی سال بڈھ بیر کیمپ پشاور اٹی دہشت گرد آتا برخلاف آپریشن اٹی شہید مس،ئِ خراج عقیدت پیش کرسا وزیراعظم پارے کہ اسفند یار و پاکستان نا فوج انا ورناک ملک انا محافظ آک ئُ۔ کیپٹن اسفند یار آپریشن نا وخت صف اول آن تینا فوجی تا سروکی ئِ کریکہ۔ وزیراعظم پارے کہ دننگا لمہ و باوہ عزت و شرف نا حقدار ئُ ہرافتا چنادژمن تون بہادری اٹ جنگ کرسا تینا جان تے ندرکیرہ۔ وزیراعظم تون اوڑدہی آن گڈ ڈاکٹر فیاض بخاری پارے کہ او اسہ قابل فخر باوہ اسے ہرانا مار تینا سنگت فوجی و ایئر فورس کالونی ٹی ہنکینی سد آ خلقت آتا جان تے بچفسا شہید مس۔ ڈاکٹر فیاض ڈسٹرکٹ ہیڈ کوارٹر ہسپتال اٹک نا پن ئِ کیپٹن اسفند یار بخاری شہید ہسپتال تخنگ نا وزیراعظم نا ستائِ کرے و تینا مار انا شہیدی آ خراج عقیدت پیش کننگ آوزیراعظم تون اظہار تشکر کرے وپارے کہ وزیراعظم کیپٹن اسفند یار آن جوانی اٹ واقف ئس ۔ اوپارے کہ وزیراعظم شہید نا خاہوت مننگ آ ننے شرف تس نن دعاکینہ کہ اللہ تعالیٰ اودے وقار و عزت ایتے ، داوخت آ وزیر دفاع خواجہ محمد آصف ہم ساڑی ئسک۔
